Mae llawer o gyngor a chymorth ar gael i unrhyw un sy’n wynebu’r materion hyn, ac er mwyn eich arwain i’r lle cywir rydym wedi casglu’r wybodaeth ganlynol ynghyd.
Cofiwch y gallwn ni eich helpu hefyd, a gall ein hymgynghorwyr ymroddedig gynnig cymorth a chyngor personol dros y ffôn 01492 575578 neu drwy e-bostCEH@conwy.gov.uk
Ydych chi’n wynebu colli eich swydd?
Os felly, mae angen i chi wneud cais am unrhyw gynlluniau cymorth cyn gynted â phosibl. Os nad ydych yn gwybod pa gymorth y gallech ei dderbyn, gall ein hymgynghorwyr eich helpu drwy gynnig cyngor ar fudd-daliadau yn ogystal â’ch helpu chi i ddod o hyd i waith. Ffoniwch ni ar 01492 575578 neu anfonwch e-bost atom CEH@conwy.gov.uk.
Mae Gyrfa Cymru hefyd yn cynnig cyngor defnyddiol ar sut i ymdopi os byddwch yn colli eich swydd. Gallwch ddarganfod mwy am sut gall Gyrfa Cymru a’u hymgynghorwyr arbenigol gynnig cymorth emosiynol, ymarferol ac ariannol i chi os byddwch yn colli eich swydd drwy fynd i’w gwefan: Opsiynau ar ôl colli swydd (llyw.cymru)
ReAct
Mae ReAct yn cynnig cymorth a chyllid i bobl sydd wedi colli eu swydd yn ddiweddar, sy’n ddi-waith neu sydd o dan rybudd diswyddo cyfredol, er mwyn iddynt ailhyfforddi neu ddiweddaru eu sgiliau. Ewch i https://cymrungweithio.llyw.cymru/sut-y-gallwn-ni-helpu/cymorth-ar-ol-colli-swydd i gael rhagor o fanylion.
Ydych chi’n poeni am fynd yn ôl i’r gwaith?
Os ydych chi’n paratoi i fynd yn ôl i’r gwaith ond mae’r cyfan yn eich llethu, mae cymorth ar gael a mynediad cyflym ac am ddim i therapïau corfforol a siarad:
Torri Credyd Cynhwysol?
Mae'r taliad ychwanegol o £20 yr wythnos gan y Llywodraeth yn ystod Pandemig Covid-19 wedi dod I ben.
Mae Cyngor ar Bopeth wedi rhybuddio y bydd un o bob tri o bobl ar Gredyd Cynhwysol yn mynd i ddyled oherwydd y toriad hwn, ac mae’r Sefydliad Iechyd yn dweud y bydd yn cael effaith ar iechyd meddwl a lles miloedd o deuluoedd.
Os bydd y toriad hwn i’r Credyd Cynhwysol yn effeithio arnoch chi, ffoniwch ni ar 01492 575578. Gall un o’n hymgynghorwyr ymroddedig gynnig cyngor i chi, neu mae adnoddau defnyddiol iawn ar gael yn lleol:
Cynllun Kickstart
A ydych chi rhwng 16 a 24 oed ac yn derbyn Credyd Cynhwysol? Yna gadewch i ni roi hwb i’ch gyrfa!
Mae Cynllun Kickstart yn darparu arian i greu swyddi newydd ar gyfer pobl sydd mewn perygl o fod yn ddi-waith yn y tymor hir, ac mae’n cynnig profiad gwaith gwerthfawr a hyfforddiant, a allai arwain at swydd llawn amser.
Mae gan Gyngor Bwrdeistref Sirol Conwy swyddi Kickstart i’w llenwi ar hyn o bryd. Ewch i Dechreuwch eich gyrfa o fewn Cyngor Bwrdeistref Sirol Conwy - Cyngor Bwrdeistref Sirol Conwy) i weld y rhestr lawn o swyddi sy’n amrywio o Swyddog Cymorth Swyddfa Docynnau i Swyddog Cymorth Busnes, a Gweithredwr Cwch dan Hyfforddiant i Gymhorthydd Hamdden. Os oes gennych ddiddordeb yn un o’r swyddi hyn, siaradwch â’ch Hyfforddwr Gwaith Credyd Cynhwysol a fydd yn eich helpu i wneud cais amdani.