Cynllun Datgarboneiddio

Cynllun Datgarboneiddio Conwy

Yn dilyn datganiad y Cyngor o argyfwng hinsawdd yn 2019, rydym wedi datblygu cynllun datgarboneiddio i nodi’r llwybr y byddwn yn ei gymryd i fod yn Awdurdod di-garbon net erbyn 2030. Byddwn yn darparu hyn drwy’r Rhaglen Her yr Hinsawdd.

1.Diffinio cwmpas gweithgareddau a ffynonellau allyriadau i’w cynnwys yn y rhaglen.

1. Cyfrifo’r allyriadau sylfaenol i’w defnyddio fel dechrau’r siwrnai i fod yn ddi-garbon net.
2. Modelu’r senarios a fydd yn cyflawni’r gostyngiad mwyaf mewn carbon.
3. Darparu prosiectau o fewn y Rhaglen Her yr Hinsawdd.

Cwmpas

Allyriadau Cwmpas 1

• Tanwydd a ddefnyddir gan adeiladau sy’n eiddo i ac yn cael eu gweithredu gan y Cyngor
• Nwy a ddefnyddir gan beiriant gwres a phŵer cyfunedig
• Tanwydd a ddefnyddir gan gerbydau a pheiriannau’r Cyngor
  
  

Allyriadau Cwmpas 2

• Trydan grid a ddefnyddir gan adeiladau sy’n eiddo i ac yn cael eu gweithredu gan y Cyngor
• Trydan grid a ddefnyddir gan oleuadau stryd a TCC.
  
  

Allyriadau Cwmpas 3

• Cyflenwad a systemau trin dŵr adeiladau sy’n eiddo i ac yn cael eu gweithredu gan y Cyngor
• Teithio at ddibenion busnes
• Cymudo staff
• Gwastraff o weithrediadau’r Cyngor
• Prynu nwyddau a gwasanaethau
• Defnydd ynni gan asedau ar brydles
  
  

Y gwaelodlin – allyriadau 2018/19  (tCO₂e – tunelli o garbon deuocsid cyfatebol)

Rhaglen Her yr Hinsawdd – Prosiectau

Rydym wedi sefydlu 8 prosiect er mwyn gweithredu'r cynllun. Mae pob prosiect yn canolbwyntio ar faes sy’n cynhyrchu allyriadau, a bydd yn edrych ar newid y ffordd yr ydym yn darparu gwasanaethau er mwyn lleihau allyriadau nwyon tŷ gwydr.

Adeiladau – Byddwn yn gwneud gwelliannau i adeiladau i leihau defnydd ynni.

Teithio at ddibenion busnes – Byddwn yn datblygu cynllun teithio i’r gweithle i leihau nifer y milltiroedd busnes a deithir.

Gwrthbwyso carbon – Byddwn yn defnyddio cyfleoedd i wrthbwyso carbon ar dir y Cyngor.

Fflyd – Byddwn yn lleihau allyriadau sydd ynghlwm â defnydd tanwydd yn y fflyd gan ddefnyddio cerbydau trydan.

Cynllun ynni lleol  - Byddwn yn datblygu cynllun i ddatgarboneiddio’r system ynni o fewn Sir Conwy.

Cymudo staff – Byddwn yn annog staff i leihau eu milltiroedd cymudo a dewis opsiynau cymudo teithio llesola charbon isel.

Golau stryd – Byddwn yn parhau i newid hen lampau stryd gyda bylbiau LED.

Cadwyn gyflenwi – Byddwn yn gweithio gyda chyflenwyr i ddatgarboneiddio cadwyn gyflenwi Conwy.