Ers 1 Ebrill 2017, dan Ran 7, Adran 139 Deddf Tai (Cymru) 2014, mae gan awdurdodau lleol yng Nghymru'r hawl i godi premiymau Treth y Cyngor ar eiddo gwag hirdymor ac ail gartrefi.
Ar 9 Rhagfyr 2021 penderfynodd y Cyngor ddirymu’r penderfyniad i godi premiwm o 50% ar eiddo gwag hirdymor ac ail gartrefi. Cafodd ei ddisodli â phenderfyniad i barhau i godi premiwm o 25% ar ail gartrefi a chynyddu'r premiwm ar gartrefi gwag hirdymor i 50% o 1 Ebrill 2022. Penderfynwyd hefyd codi lefel y premiymau ar y ddau gategori i 50% o 1 Ebrill 2023, yn amodol ar adolygiad yn 2022/2023.
Mae’r Gweithgor Tai Fforddiadwy (Premiwm Treth y Cyngor) yn cyfarfod bob blwyddyn ariannol i adolygu’r sefyllfa gan ystyried yn fanwl yr holl wybodaeth sydd ar gael ynghyd â chanlyniadau'r ymgynghoriad diwethaf cyn cynnig argymhelliad, a fydd wedyn yn cael ei adolygu a'i ystyried drwy'r broses ddemocrataidd.
Mae posibilrwydd y bydd yr ardoll yn cynhyrchu refeniw ychwanegol y bwriedir ei ddefnyddio i gynorthwyo i:
- Ddod â thai gwag hirdymor yn ôl i ddefnydd
- Cynyddu’r cyflenwad o dai fforddiadwy
- Gwella cynaliadwyedd cymunedau lleol
- Helpu i ddiwallu anghenion tai lleol
Ar hyn o bryd mae incwm o’r premiymau yn helpu i gefnogi’r gyllideb Tai a Digartrefedd.
Mae ymgynghoriad pellach ar y premiymau arfaethedig yn cael ei gyflawni ar hyn o bryd gan Gyngor Bwrdeistref Sirol Conwy, a gwerthfawrogwn eich mewnbwn yn yr ymgynghoriad. Bydd canlyniadau’r ymgynghoriad yn cael eu hystyried gan y Gweithgor Tai Fforddiadwy (Premiwm Treth y Cyngor).
Mae'r ymgynghoriad hwn yn cau ar 3 Hydref 2022.
Cliciwch yma i weld ein rhybudd preifatrwydd.
Cliciwch yma i rannu eich barn.