Os ydych yn meddwl am drefnu parti stryd ar achlysur y Coroni, defnyddiwch y Canllaw 4 Cam hwn i Bartïon Stryd i baratoi at y dathliadau
- 1. Bydd ar drefnwyr angen caniatâd gan dîm Priffyrdd y Cyngor i gynnal parti stryd. Ni chodir ffi am hyn.
Ffurflen gais am gau ffordd (PDF, 127KB)
Anfonwch eich ffurflen gais i streetworks@conwy.gov.uk gyda manylion y ffordd sydd angen ei chau, a dyddiad ac amser y cau. Byddwch angen gwneud cais am hyn o leiaf 28 diwrnod ymlaen llaw. Y dyddiad cau ar gyfer cyflwyno ceisiadau yw 14 Ebrill 2023.
Byddwn yn rhoi caniatâd i bartïon stryd a gynhelir ar benwythnos y Coroni yn unig, sef 6 i 8 Mai 2023.
- 2. Y trefnwyr fydd yn gyfrifol am drefnu arwyddion cau ffordd a gwyriadau, os oes angen
Byddwch hefyd angen dweud wrth yr holl breswylwyr a busnesau yn yr ardal fydd yn cael eu heffeithio gan gau’r ffordd.
- 3. Gwiriwch a oes arnoch chi angen trwydded ddigwyddiadau dros dro
- Ni fydd arnoch angen rhybudd digwyddiad dros dro:
- os yw eich parti stryd yn barti preifat i breswylwyr
- os nad yw eich parti yn cael ei hysbysebu ymlaen llaw i ddenu pobl
- os nad ydych yn gwneud arian
- Bydd arnoch angen rhybudd digwyddiad dros dro:
- os ydych yn gwerthu tocynnau ymlaen llaw
- os ydych yn gwerthu alcohol
- os ydych yn codi ffi mynediad
Bydd arnoch angen gwneud cais am rybudd digwyddiad dros o leiaf 10 diwrnod gwaith ymlaen llaw.
Gwnewch gais am Rybudd Digwyddiad Dros Dro
Os oes gennych unrhyw gwestiynau am drwyddedau adloniant neu alcohol, cysylltwch â Thîm Trwyddedu Cyngor Bwrdeistref Sirol Conwy ar 01492 576626.
- 4. Rydym yn rhoi cyngor taer i drefnwyr drefnu Yswiriant Atebolrwydd Cyhoeddus ar gyfer eich digwyddiad