Rhoi wyneb newydd ar ffordd: Rhodfa Llanelwy, Bae Cinmel, 28 Ebrill - 2 Mai
Gwaith ffyrdd
Gwaith yn dechrau: Dydd Llun 28 Ebrill 2025
Gwaith yn dod i ben: Dydd Gwener 2 Mai 2025
Beth sy’n digwydd?
Rydym yn rhoi wyneb newydd ar y ffordd ar Rodfa Llanelwy o bwynt i’r de o’r gyffordd â’r A548 hyd y gyffordd â Rhodfa Cader (dros y bont reilffordd).
Bydd ein contractwr yn gweithio o 7am tan 2am.Bydd yn rhaid i ni gau rhannau o’r ffordd ar brydiau er mwyn gwneud y gwaith hwn. Bydd gwyriad gydag arwyddion a threfniadau gweithio mewn confoi.
A fydd hyn yn effeithio ar barcio?
Bydd – ni fydd modd parcio ar rai rhannau o’r ffordd tra byddwn yn gwneud y gwaith.
Bydd mynediad i gerddwyr gydol y cyfnod.
Beth yw rhoi wyneb newydd?
Cam 1 – tynnu’r wyneb presennol (plaenio)
Cam 2 – addasu neu ailosod y gwaith haearn, tyllau caead a gylïau draeniau
Cam 3 – glanhau’r wyneb ag ysgubwr mecanyddol
Cam 4 – gosod haen fondio, i sicrhau bod y wyneb newydd yn glynu
Cam 5 – gosod yr wyneb newydd
Cam 6 – cywasgu a lefelu’r wyneb newydd â rholeri
Cam 7 – ailbeintio'r marciau ar y ffordd.
Mae rhoi wyneb newydd ar ffordd yn waith swnllyd a llychlyd, ac ymddiheurwn am unrhyw anghyfleustra y gallai hyn ei achosi. Bydd yr wyneb newydd ar y ffordd yn arwain at daith fwy llyfn a thawel ar y ffordd a bydd manteision parhaus i’r gymuned.
Cwestiynau?
Os bydd arnoch angen rhagor o wybodaeth, cysylltwch â Thîm Cynghori Adran yr Amgylchedd, Ffyrdd a Chyfleusterau ar affch@conwy.gov.uk neu ffoniwch 01492 575337.
Diolch i chi am eich amynedd wrth i’n contractwr wneud y gwaith.
Wedi ei bostio ar 23/04/2025